As XIV Xornadas Martín Sarmiento celebradas o pasado mes de marzo foron unhas xornadas de transición á espera de recuperar para o próximo ano 2023 o seu habitual formato e actividades de encontro do alumnado do Programa de Promoción do Galego no Bierzo. Tiveron polo tanto un deselvolvemento diferente ao curso pasado no que non houbera ningún tipo de acto presencial. Este ano o 9 de marzo houbo unha sesión de traballo presencial que se realizou no Salón de Plenos do Concello de Vilafranca entre asocicaiois e autoridades convocadas, unha posta ao día e unha serie de propostas tanto no eido educativo de cara ao curso que vén no que se vai implantar a reforma nos centros de ensino, como no terreo do patrimonio inmaterial en pleno proceso de compilación de datos para un inventario no Bierzo Oeste e o da propia naturalización da presenza da lingua galega como elemento da riqueza cultural da nosa comarca.
Como novidades hobo dúas. A presentación da serie documental Fálame sempre de Umberto Corral Prieto que foi a primeira e a segunda neste curso dirixido aos centros educativos puxemos en marcha unha serie de programas radiofónicos realizados nos propios colexios e institutos que coa colaboración de dúas emisoras de radio profesionais foron emitíndose dende o 9 de marzo, Día do Galego no Bierzo ata o 17 de maio, Día das Letras Galegas, unha experiencia magnífica que seguramente chegou para quedarse e repetirse nas próximas ediciois das Xornadas Martín Sarmiento.
Podedes consultar máis detalles do evento no blog O MEGO DA ESCOLA:
