"Se en marzo veis a culebra,
en maio neva"
Este ano cumpría celebrar o renacer da natureza con forza e así o fixemos, os incendios produto da ousadía e a imprudencia dos homes e o mal facer das administraciois veu acompañada para o Bierzo dun inverno que fixo das súas, días antes á celebración do maio. As xeadas e o frío estiveron moi presentes, mesmo a xornada anterior ao festexo tradicional co que damos a benvida á primavera en Vilafranca,
As cousiliñas e contos de primavera do 29 de abril:
Nunha tarde fría de abril iniciamos a nosa aproximación á entrada do mes de maio da mao de Antonio Fernández Morales que está de bicentenario (1817-2017) Tomamos dos seus Ensaios poéticos en dialecto berciano as cousiliñas e outros textos moi coñecidos, como o poema que dedica a Vilafranca. Na compaña dun grupo de rapaces e rapazas, pais e nais, entramos logo a xogar coas palabras e aprender máis sobre as estaciois, o cambio do inverno ao vrao e acabamos comendo castañas maias e outras larpeiradas que foron tiradas ás arrefatiñas. Logo puxémonos a preparar o Burro do Inverno para o día seguinte.
As cousiliñas e contos de primavera do 29 de abril:
Noite do 30 de abril
Porque a auga de mar é salgada? montaxe de "Os Quinquilláns" coa que viaxamos, partindo do teatro (a causa da chuvia) e tras aprender a manexarnos polos fondos mariños e coñecer muitos peixes descoñecidos no Bierzo chegamos á entrada do xardín onde queimamos o burro do inverno.
Podemos vela nestas reportaxes no facebook,de Miguelín Salvavidas que gravou o remate da viaxe mariña cos Qunquilláns e a queima do Burro do inverno tan ben acompañados polos Feroces da Galgueira.
1 de maio:
Como é xa costume tamén distintos medios de comunicación recollen e realizan pequenas reportaxes que dan idea do trascorrer da festa, reparando en detalles por veces curiosos.
En infobierzo e o bierzodigital atopamos unha boa reportaxe fotogáfica de César Sánchez e de Mario de la Torre. Outra referencia habitual presentan na prensa escrita do Diario de León ou da Nueva Crónica.
Tamén BierzoTV nos agasalla anualmente cunha reportaxe en audiovisual aos que cabería engadir unha chea de vídeos particulares que circular polas rede no facebook deixamos algúns enlaces:
Vicente Cela Quiroga que gravaron as distintas chegadas de maios á praza maior.
Dende a Escola de Gaitas agradecemos de corazón a todos os que participan, colaboran e disfrutan con nós para facer que esta festa tradicional non se perda.
NOTA: Insistimos os rostros dos que levan os maios tradicionalmente non se deben ver. Precisamente para que non se perda a tradición este grupo de vilafranquinos/as vestíronse de maios ocultando os seus rostros na medida do posible e poder pasar deste xeito a ser anónimas árbores vivas que representan á natureza ata que ao final do percorrido, por fin, ser liberados da rixidez propia dos vexetais e pasar a ser de novo persoas recoñecibles con nome e apelidos, portadores da tradición.
NOTA: Insistimos os rostros dos que levan os maios tradicionalmente non se deben ver. Precisamente para que non se perda a tradición este grupo de vilafranquinos/as vestíronse de maios ocultando os seus rostros na medida do posible e poder pasar deste xeito a ser anónimas árbores vivas que representan á natureza ata que ao final do percorrido, por fin, ser liberados da rixidez propia dos vexetais e pasar a ser de novo persoas recoñecibles con nome e apelidos, portadores da tradición.
